منتديات سفير الحب :: ملتقى سفراء الحب ::


 
الرئيسيةمكتبة الصورس .و .جالتسجيلدخول
إذهب

شاطر | 
 

 مجنون القلم (بقلمي)

اذهب الى الأسفل 
كاتب الموضوعرسالة
صقر بغداد
مشرف قسم الشعر الشعبي
مشرف قسم الشعر الشعبي
avatar

ذكر
عدد الرسائل : 29
العمر : 27
المزاج : JUST FOR LOVE
اسمك : محمد احمد المشهداني
نقاط : 700
تاريخ التسجيل : 27/03/2008

مُساهمةموضوع: مجنون القلم (بقلمي)   2008-04-17, 21:35

قصتي ما يدري بيها الا القليل



مجنون الگلب ليهسه مامات

ومجنون القلم يكتب قصايد

عليله الروح من تنشدني عليك

تگول الجرح طگ او وسع زايد

اگلها انجبر واتلمس بالاعذار

تگلي انجبر لو دولاره صاعد؟

يا دولار انت شجاي تحچين !!!

عمامه الطـّلعوا كل حچي البايد

واظل انا الفقير بهيچي اوضاع

ايه انا الفقير والله شاهد

حسبالي على الفطره وحچي الزين

اثاري الصدگ ضاع ولا عوايد

هيچ بكل بساطه انصدگ بساع

وحفروا بير يمي وانا گاعد

تتهامز لسنهم وانا فرحان !!!

والم برويحتي وشعندي عايد

لميت الگدرته وگـرّب العيد

ورحت بالعيد متونس أعايد !!!

لگيت الدار وحشه من الاحباب

تصفر دارهم ما بيها واحد

تگول البارحه حظك غفه ونام

بين احضان الاعور والمجاهد

عنده منصب وعنده حراسات

وباركان القياده صار قائد

انت ما ألك منصب ولا جاه

اگعد واستچن وكون هايد

أحط ايدي على صدري ونار يا نار


تشب بيــه جهنم وانــا فاقد

شلون تريد من صابك يداويك !!

گام يحمي لجروحك حدايد

ليش انا بنظرهم شنهو سويت

غير بسنّــة الله وجيت رايــد ؟

وألك يالمدري اوصفك بيش ما بيش

لو حظي الفگر ذبني ويعاند

لاعدكم كرامه وچلمه بلسان

واليلزم الشارب ابن اماجد

واليلزم الشارب ماله ايخون !!

لو عالمادّه والدين راكــد

لا عدكم عدل لا عدكم انصاف

ندري الزلمه يوفي من يواعد ؟

يظل مجنون گلبي لهسه ما مات

وجسر ظل القلم يكتب قصائد
الرجوع الى أعلى الصفحة اذهب الى الأسفل
 
مجنون القلم (بقلمي)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سفير الحب :: ملتقى سفراء الحب :: :: المنتديات الثقافية والادبية :: قسم الشعر الشعبي-
انتقل الى: